Ինչպե՞ս ստեղծել ընկերություն Հայաստանում
Եթե Դուք կասկածում եք, թե կազմակերպա-իրավական որ ձևում է ձեզ անհրաժեշտ ստեղծել ընկերություն` ՍՊԸ, ՓԲԸ կամ ԲԲԸ, ապա պետք է հաշվի առնեք, որ առավել պարզ և ձեռնտու տարբերակը մեծ մասամբ հենց ՍՊԸ-ի բացումն է: Այս տարբերակի առավելությունները նաև նրանում են, որ ՍՊԸ կարող եք բացել` գրեթե չունենալով նախնական կուտակումներ և մուծելով որպես կանոնադրական կապիտալ, օրինակ՝ համակարգիչ (օրենքը չի սահմանում ՍՊԸ-ի բացման համար կանոնադրական կապիտալի մինիմալ չափ, սակայն որոշ դեպքերում դա պարտադիր պայման է): Ձեռնարկություն բացելը (մասնավորապես՝ ՍՊԸ) նշանակում է անցնել պետական գրանցման ընթացակարգ: Դրա համար անհրաժեշտ է նախապատրաստել փաստաթղթերի փաթեթ: ՍՊԸ-ի գրանցման և բացման մասին դիմումի հանձման պահին դուք պետք է նաև որոշեք ձեր ապագա ընկերության գտնվելու վայրի (իրավաբանական հասցեն) և կանոնադրական կապիտալի վերաբերյալ հարցերը: Եթե դուք որոշել եք բացել ընկերություն (տվյալ դեպքում ՍՊԸ) օգտագործելով այսպես կոչված «մասայական իրավաբանական հասցեն», հիշեք, որ այդ դեպքում կա վտանգ, որ պետական գրանցում իրականացնող մարմինները կմերժեն ձեզ ՍՊԸ բացելու հարցում:
ՍՊԸ բացելու համար անհրաժեշտ մի շարք փաստաթղթեր՝
- ՍՊԸ-ի ստեղծման վերաբերյալ որոշում (արձանագրություն): Այս փաստաթուղթը պետք է պարունակի տեղեկություններ, թե ով և երբ է որոշում ընդունել սահմանափակ պատասխանատվությամբ ընկերության ստեղծման վերաբերյալ և տեղեկություններ` կանոնադրության հաստատման, տնօրենի նշանակման, կանոնադրական կապիտալի չափսի, դրա վճարման ժամկետների և այլնի մասին:
- դիմում՝ ստույգ ձևի և լրացված օրենքին համապատասխան:
- ՍՊԸ-ի կանոնադրություն:
Եթե դուք որևիցե պատճառով չեք ցանկանում ձեռնարկությունը բացել ՍՊԸ-ի ձևով, խորհուրդ ենք տալիս դիտարկել ԱՁ գրանցման տարբերակը: Անհատ ձեռնարկատիրոջ կարգավիճակով գրանցման դեպքում ձեզ անգամ նվազագույն կանոնադրական կապիտալ պետք չէ, ինչպես նաև իրավաբանական հասցեի խնդիր չեք ունենա: Սակայն բիզնեսում անհաջողությունների դեպքում կա մեկ թերություն, ԱՁ-ի պատասխանատվությունը պարտատերերի առջև սահմանափակվում է ոչ թե կանոնադրական կապիտալով, այլ նրա ամբորջ անձնական գույքով:
21.04.2015