![Registration of the birth, social payments, business in the Republic of Armenia, foreign citizenship, registration of marriage, entrance to Armenia, inheritance law, Liquidation of the legal entity, Registering a company, consular legalization of documents, Apostille Stamp in the RA, certificates and duplicates, IT in the Republic of Armenia, acceptance of inherited property, Customs clearance, military service in Armenia, EAEC Court, property in the Republic of Armenia, bankruptcy procedure, Procurement in the Republic of Armenia, State Register of Home Population, correctly make agreements, divorce in the Republic of Armenia, pharmaceutical products, registration of medicines, invalidity of transactions, deposit in the Republic of Armenia, clinical drug trials, Loan Agreement in Armenia, Surrogacy in the Republic of Armenia, registration of trademarks, authorized capital, Administrative Court of the Republic of Armenia, moral damages, renting of apartments, appeal court decisions, Division of shares, annulment of marriage, kidnapped in Armenia, child adoption in armenia, foreign investments, Mandatory payments , Labor Code, Foreign Arbitral Awards, Foreign Investment, RA Citizenship, Regulation in the Field of Precious Metals, VAT Payment Process, Entry Visas, Financial Security Types, Legal Cooperation, Economic Competition, obligations , Income Tax in Armenia, Excise Tax, International Sale of Goods, Redomiciliation of legal entities, Personal Data Protection, residence status, Tax Rates](https://www.armenianlaw.com/wp-content/uploads/2015/06/LOGOS-300x198.jpg)
Ի՞նչպես լուծարել ձեռնարկությունը Հայաստանում
Իրավաբանական ծառայությունների հայաստանյան շուկայում առավել տարածված ծառայություններից է ձեռնարկությունների (կազմակերպությունների) լուծարումը, քանզի Հայաստանը տնտեսապես շատ ակտիվ երկիր է, իսկ ձեռնարկությունների լուծարումը բնական իրադարձություն է շուկայական տնտեսության պայմաններում և հատկապես ճգնաժամի շրջանում:
Ինչպե՞ս լուծարել ձեռնարկությունը Հայաստանում:
Արդյո՞ք կան ձեռնարկությունների լուծարման առանձնահատկություններ: Մենք կփորձենք պատասխանել այդ հարցերին այս էջում (իսկ, եթե չեք գտնում ձեր հարցի պատասխանն այստեղ, զանգահարեք մեզ):
Ձեռնարկությունների լուծարումը կարող է լինել պաշտոնական և ոչ պաշտոնական: Ոչ պաշտոնական լուծարումն իրականացվում է տնօրենի փոխարինման կամ վերակազմակերպման ճանապարհով (ընկերության միացումը չգործող ձեռնարկությանը): Ձեռնարկության լուծարումը գործունեության դադարեցման ձև է առանց իրավահաջորդության կարգով իրավունքների և պարտականությունների այլ անձանց փոխանցման: Ձեռնարկությունների պաշտոնական լուծարումը կարող է լինել կամավոր և հարկադրված:
Ձեռնարկությունների հարկադրված լուծարում
Դատարանի որոշմամբ ընկերությունների հարկադրված լուծարում իրականացվում է հետևյալ դեպքերում.
- գործունեության իրականացում առանց անհրաժեշտ թույլտվության (լիցենզիայի).
- օրենքով արգելված գործունեության իրականացում.
- գործունեության իրականացում օրենքի կամ այլ իրավական ակտերի շարունակական կամ կոպիտ խախտումներով.
- օրենքով նախատեսված այլ հիմքերի առկայության դեպքերում:
Ձեռնարկությունների կամավոր լուծարում
Ո՞ր դեպքերում է իրականացվում ձեռնարկությունների կամավոր լուծարումը: Ձեռնարկության կամավոր լուծարման մասին որոշումը, ինչպես կանոն ընդունվում է, եթե կազմակերպության տնտեսական գործունեության հետ կապված խնդիրներ են ծագում: Այդ դեպքում ընկերության դադարումը (լուծարումը) տրամաբանորեն ավարտում է նրա գոյությամբ: Այս տարբերակին սովորաբար ուղեկցում են բարդություններ` կապված հարկային մարմինների հետ: Ձեռնարկությունների կամավոր լուծարումը սկսվում է հիմնադիրների կամ բաժնետերերի կողմից համապատասխան որոշում ընդունելուց հետո: Այդ որոշումը ստորագրվում է Ընկերության կանոնադրական կապիտալում բաժին ունեցող կամ ՓԲԸ-ի կամ ԲԲԸ-ի վերահսկիչ փաթեթը տնօրինողների կողմից:
Այսպիսով, ձեռնարկությունների կամավոր լուծարումն իրականացվում է հետևյալ կարգով.
Մասնակիցների (բաժնետերերի) ժողովը՝
- որոշում է ընդունում ընկերության լուծարման մասին.
- նշանակում է լուծարային ժողով և որոշում է ձեռնարկության լուծարման ժամկետը և կարգը, ինչպես նաև ԶԼՄ-ում հրապարակել դրա մասին.
- տեղեկացնում է իր որոշումների մասին գրանցման լիազորված մարմին; գրանցման լիազորված մարմինը տեղեկություն է տալիս, որ ձեռնարկությունը գտնվում է լուծարման փուլում և գրառում է կատարում այդ մասին պետական ռեգիստրի վկայականում.
- հանձնում է ձեռնարկության ղեկավարման լիազորությունները լուծարային հանձնաժողովին:
Լուծարային հանձնաժողովը՝
- ընկերության լուծարման հայտարարությունը հրապարակում է մամուլում`նշելով իր գտնվելու վայրը և պարտատերերի կողմից պահանջների ներկայացման ժամկետը.
- պարտավոր է իրեն հայտնի բոլոր տարտատերերին գրավոր տեղեկացնել ընկերության լուծարման վերաբերյալ.
- հաշվառումից հանելու և լուծարվող ընկերությունում ստուգում անցկացնելու խնդրանքով դիմում է ներկայացնում ՀՀ հարկային մարմիններ.
- որոշում է ընդունում միջանկյալ լուծարման հաշվեկշռի հաստատման վերաբերյալ.
- այդ որոշման հիման վրա ընկերությունը փակում է իր բանկային հաշիվները, ինչպես նաև ոչնչացնում կազմակերպության կնիքը` համաձայն հաստատված հանձնաժողովի կազմի արձանագրության.
- տեղեկացնում է գրանցման լիազորված մարմնին լուծարման բոլոր աշխատանքների վերջացման մասին և տրամադրում է ձեռնարկության լուծարմամբ պայմանավորված պետական գրանցման դիմումը, լուծարային հաշվեկշիռը և պետական տուրքի վճարման անդորրագիրը.
Գրանցման լիազորված մարմինը ներկայացված փաստաթղթերի հիման վրա կատարում է ընկերության լուծարման մասին գրառում և տալիս է համապատասխան քաղվածք, որով հաստատվում է վերջնական լուծարումը:
Ձեռնարկության լուծարման այլընտրանքային տարբերակներ
Ի՞նչպես լուծարել ձեռնարկությունը «ոչ պաշտոնապես»: Կարծես թե, ձեռնարկության այլընտրանքային լուծարման ամենադյուրին /սակայն մենք խորհուրդ չեն տալիս/տարբերակը՝ ձեռնարկության տնօրենի և հիմնադրի փոփոխումն է: Այս տարբերակի առավելությունը կայանում է նրանում, որ ղեկավարի վերընտրման մասին որոշման ստորագրումից անմիջապես հետո հաշվետվության ներկայացման և փոփոխությունների մասին գրանցման մարիններին տեղեկացնելու պարտականությունները անցնում են նոր ղեկավարին: Ձեռնարկության լուծարման այդպիսի ընթացակարգը (ձեռնարկության ղեկավարի և հիմնադրի փոխարինման գրանցման ընթացակարգը) տեւում է ընդհամենը 10-14 աշխատանքային օր:
Գրանցման մարմնի կողմից փոփոխություններ կատարելուց հետո, դուք ստանում եք ձեռնարկության ղեկավարի վերընտրման մասին որոշումը, մասնաբաժնի զիջման պայմանագիրը, իրավաբանական անձանց պետական ռեգիստրի մատյանից քաղվածքը և ձեռնարկության փաստաթղթերի հանձնման-ընդունման արձանագրությունը:
Առանց ավելորդ ժամանակի և գումարի ձեռնարկության լուծարումը, դա հենց այն է, ինչ առաջարկում է մեր փաստաբանական գրասենյակը: Մեծ փորձ ունեցող մասնագետները միշտ պատրաստ են օգնել Ձեզ:
12.05.2015