ԵՏՄ պետություններն անցնում են տրանսպորտային միջոցների անձնագրերի միասնական ձևերին

Փաստաթղթի՝ ուժի մեջ մտնելը նշանակում է, որ Միությունում ստեղծված են արդյունավետ պայմաններ ավտոմոբիլային, գյուղատնտեսական, ճանապարհաշինարարական և այլ տեսակների տեխնիկայի ազատ շրջանառության համար: Այսուհետ Միության անդամ պետություններում սկսում է գործել փոխադրամիջոցների (փոխադրամիջոցների ամրաշրջանակի անձնագրերի), ինքնագնաց եւ այլ մեքենաների էլեկտրոնային անձնագրերի ձևակերպման միասնական կարգ:

Փոխադրամիջոցների տերերի համար համապատասխան ընթացակարգերն էապես պարզեցվում են ավտոմեքենաների տեղափոխման, առուվաճառքի և անվաթրթուրավոր օբյեկտների հետ կապված այլ գործողությունների դեպքում:

Եվրասիական տնտեսական հանձնաժողովի՝ 2015 թվականի սեպտեմբերի 22-ի որոշման՝ գործող խմբագրվածքի համաձայն՝ էլեկտրոնային անձնագրերի ձևակերպման սահուն անցում ապահովելու համար սահմանված են անցումային դրույթներ: Դրանք նախատեսում են թղթե անձնագրերի ձևակերպման հնարավորություն, որտեղ դա սահմանված է ԵԱՏՄ-ի պետությունների ազգային օրենսդրությամբ՝ փոխադրամիջոցների (ամրաշրջանակի) նկատմամբ՝ մինչև 2017 թվականի հուլիսի 1-ը, ինքնագնաց մեքենաների նկատմամբ՝ մինչև 2018 թվականի հուլիսի 1-ը: