Registration of the birth, social payments, business in the Republic of Armenia, foreign citizenship, registration of marriage, entrance to Armenia, inheritance law, Liquidation of the legal entity, Registering a company, consular legalization of documents, Apostille Stamp in the RA, certificates and duplicates, IT in the Republic of Armenia, acceptance of inherited property, Customs clearance, military service in Armenia, EAEC Court, property in the Republic of Armenia, bankruptcy procedure, Procurement in the Republic of Armenia, State Register of Home Population, correctly make agreements, divorce in the Republic of Armenia, pharmaceutical products, registration of medicines, invalidity of transactions, deposit in the Republic of Armenia, clinical drug trials, Loan Agreement in Armenia, Surrogacy in the Republic of Armenia, registration of trademarks, authorized capital, Administrative Court of the Republic of Armenia, moral damages, renting of apartments, appeal court decisions, Division of shares, annulment of marriage, kidnapped in Armenia, child adoption in armenia, foreign investments, Mandatory payments , Labor Code, Foreign Arbitral Awards, Foreign Investment, RA Citizenship, Regulation in the Field of Precious Metals, VAT Payment Process, Entry Visas, Financial Security Types, Legal Cooperation, Economic Competition, obligations , Income Tax in Armenia, Excise Tax, International Sale of Goods, Redomiciliation of legal entities, Personal Data Protection, residence status, Tax Rates

Աշխատանքային իրավահարաբերությունները Հայաստանում

Աշխատանքային գործունեություն իրականացնելու ընդհանուր կանոնները

Համապատասխան վիզա և կացության թույլտվություն ստանալու դեպքում` օտարերկրացին իրավունք ունի ՀՀ-ում իրականացնելու աշխատանքային գործունեություն, նույն պայմաններով և կարգով, ինչ և ՀՀ քաղաքացիները: ՀՀ-ում աշխատանքային հարաբերությունները կարգավորվում են 2004թ. ՀՀ աշխատանքային օրենսգրքով: Անհրաժեշտ է նշել, որ նոր օրենսգիրքը նվազեցնում է պետության ազդեցությունը աշխատանքային հարաբերությունների վրա` շեշտը դնելով պայմանագրային հարաբերությունների վրա:

Աշխատողի աշխատանքային գործունեության մասին տեղեկություններ ներառող հիմնական փաստաթուղթը աշխատանքային գրքույկն է, որտեղ և լրացվում են աշխատողի աշխատելու ժամանակահատվածները:

Աշխատաժամանակ, արձակուրդներ

Աշխատանքի նորմալ տևողությունը շաբաթական 40 ժամ է (օրեկան առավելագույնը 8 ժամ): Արտաժամյա աշխատաժամանակը չի կարող գերազանցել շաբաթական 48 ժամը և օրեկան 12 ժամը: Աշխատելը գիշերային ժամերին (22:00-ից մինչև 6:00) արգելվում է մինչև 18 տարեկան անձանց, և առկա են որոշակի արտոնություններ հղի կանանց և մինչև 3 տարեկան երեխա խնամող մայրերի համար:

Աշխատողի ցանկությամբ ամենամյա արձակուրդը կարող է տրամադրվել մասերով: Յուրաքանչյուր աշխատանքային տարվա համար ամենամյա արձակուրդը տրամադրվում է տվյալ տարում: Ամենամյա արձակուրդի տեղափոխումը թույլատրվում է միայն աշխատողի միջնորդությամբ կամ համաձայնությամբ: Ամենամյա արձակուրդը չօգտագործելու համար դրամական հատուցունը վճարվում է աշխատանքային պայմանագիրը լուծելիս:

ՀՀ-ում աշխատող կանանց տրամադրվում է հղիության և ծննդաբերության արձակուրդ`

  • 140 օր (70 օր` հղիության, 70 օր` ծննդաբերության).
  • 155 օր (70 օր` հղիության, 85 օր` ծննդաբերության)` բարդ ծննդաբերության դեպքում.
  • 180 օր (70 օր` հղիության, 110 օր` ծննդաբերության)` միաժամանակ մեկից ավելի երեխաներ ունենալու դեպքում:

Երեխայի փաստացի խնամող ընտանիքի մոր (խորթ մոր), հոր (խորթ հոր), տատի, պապի կամ այլ հարազատի (այդ թվում` երեխայի խնամակալ նշանակված անձի) ցանկությամբ տրամադրվում է երեխայի խնամքի արձակուրդ՝ մինչև երեխայի երեք տարեկան դառնալը: Արձակուրդի ընթացքում պահպանվում է աշխատողի աշխատատեղը (պաշտոնը):

Աշխատանքային պայմանագիրը  

Աշխատանքային պայմանագրում նշվող տվյալները թվարկված են ՀՀ աշխատանքային օրենսգրքում: Աշխատանքային օրենսգրքի համաձայն՝ գոյություն ունեն աշխատանքային պայմանագրի մի քանի տեսակներ: Աշխատանքային պայմանագիրը կնքվում է որոշակի կամ անորոշ ժամկետով: Ընդ որում, որոշակի ժամկետով աշխատանքային պայմանագիրը կնքվում է միայն բացառիկ դեպքերում:

Աշխատանքային պայմանագիրը որոշակի ժամկետով կնքվում է որպես կանոն հետևյալ դեպքերում`

  • աշխատողը գործատուին մատուցում է անձնական բնույթի ծառայություններ.
  • աշխատանքը կատարում են տնաշխատները.
  • կատարվում է համատեղությամբ աշխատանք.
  • կատարվում են սեզոնային աշխատանքներ.
  • կատարվում են ժամանակավոր (մինչև երկու ամիս ժամկետով) աշխատանք:

Աշխատանքային պայմանագիրը լուծվում է`

  • կողմերի համաձայնությամբ.
  • պայմանագրի գործողության ժամկետը լրանալու դեպքում.
  • աշխատողի նախաձեռնությամբ.
  • գործատուի նախաձեռնությամբ.
  • աշխատանքային օրենսգրքով նախատեսված այլ դեպքերում:

Աշխատանքային օրենսգիրքը երաշխիքներ է նախատեսում աշխատողների համար հիվանդության, աշխատավայրում վնասվածք ստանալու դեպքերում, հղի կանանց կամ մինչև 3 տարեկան երեխա խնամող աշխատող մայրերի պաշտպանության համար, որոնք գործում են նույնիսկ այն դեպքում, երբ դրանք նախատեսված չեն աշխատանքային պայմանագրով:

Աշխատուժի ազատ տեղաշարժի կարգավորման հետ կապված միջկառավարական համաձայնագրերը

Հայաստանն աշխատուժի ազատ տեղաշարժի կարգավորման հետ կապված միջկառավարական համաձայնագրեր ունի կնքած ԱՊՀ երկրներից՝ Ռուսաստանի Դաշնության, Ուկրաինայի, Թուրքմենստանի, ինչպես նաև Վրաստանի և Կատարի հետ: Հիշյալ համաձայնագրերով նախատեսվում է, որ կողմերից յուրաքանչյուրը ճանաչում է (առանց օրինականացման) վկայագրերը, կրթության մասին վկայագրերը, որակավորում, կարգ և կոչում շնորհելու մասին համապատասխան փաստաթղթերը և աշխատանքային գործունեություն իրականացնելու համար այլ անհրաժեշտ փաստաթղթերը և մեկնման կողմի տարածքում սահմանված կարգով վավերացված նրանց թարգմանությունները:

20.03.2015

Սոցիալական ապահովում և աշխատանքային իրավունքՕտարերկրացիներ
Вернуться