Արդարադատության նախարարությունը քննարկման է ներկայացրել նոր օրինագիծ, որը նախատեսում է փոփոխություններ կատարել ՀՀ քրեական օրենսգրքում և Վարչական իրավախախտումների վերաբերյալ ՀՀ օրենսգրքում: Նախագծի նպատակն է բացառել հեռահաղորդակցական կապի միջոցների փոխանցումը կամ օգտագործումը, որոնք արգելված են քրեակատարողական հիմնարկներում պահվող կամ պատիժը կրող անձանց համար:

Ըստ օրենքի նախագծի ՝ առաջարկվում է քրեական պատասխանատվություն սահմանել կալանավորված անձանց, անազատության մեջ գտնվող կամ քրեակատարողական հիմնարկում պատիժ կրող անձանց հեռահաղորդակցության կապի միջոցները փոխանցելու համար ՝ մինչ 3 տարի ժամկետով ազատազրկման: Քրեակատարողական հիմնարկի վարչակազմի աշխատակցի կամ այն անձի կողմից տվյալ հանցանքը կատարելու դեպքում, որն իր պաշտոնեական դիրքի կապակցությամբ հնարավորություն է ունեցել շփվելու կալանքի տակ գտնվող անձանց հետ, պատասխանատվությունը կկազմի ազատազրկում մինչև 5 տարի ժամկետով: