Կառավարության հունիսի 17-ի նիստում հավանության արժանացավ օրենքների փաթեթը, որով փոփոխություններ և լրացումներ են նախատեսվում «ՀՀ դատական օրենսգիրք» սահմանադրական օրենքում։ Վճռաբեկ դատարանի քաղաքացիական և վարչական պալատի վերացումով նախատեսվում է ստեղծել երկու ինքնուրույն, առանձին մասնագիտացումներ ունեցող քաղաքացիական և վարչական պալատներ։ Ներդրվելու են նաև դատավորների թեկնածուների և առաջխաղացման ենթակա թեկնածուների ցուցակների համալրման ճկուն մեխանիզմներ` առանց ժամկետների և համալրման ենթակա քանակի սահմանափակման:

Ընդունված օրենքների փաթեթով կկարգավորվեն Վճռաբեկ դատարանի քաղաքացիական և վարչական պալատների կազմավորման և բնականոն գործունեության ապահովման հետ կապված հարցերը։

Ըստ գործադիրի հիմնավորման՝ նախագծերի ընդունմամբ ակնկալվում է ապահովել Վճռաբեկ դատա­րանում վարչական գործերի քննու­թյան իրականացումը մաս­­նագիտացված վարչական պալա­տի միջոցով, ինչպես նաև հնարավորություն ընձեռել Բարձրագույն դատական խորհրդին` առավել ճկուն մեխանիզմներով ապահովել դատավորների թեկնածուների և առաջխաղացման ենթակա թեկնածուների ցուցակների համալրումը:

Օրենքների ընդունմամբ պետական բյուջեից տարեկան շուրջ 34.9 մլն դրամի լրացուցիչ միջոցներ կհատկացվեն։

hetq.am